Mae cynghorwyr hyfforddedig Teacher Support Cymru ar gael i'ch cefnogi chi 24 awr y dydd, 7 dydd yr wythnos. Galwch ein Llinell Gymorth gyfrinachol am ddim ar 0800 085 5088 am gefnogaeth ynglŷn â'r ystod eang o faterion.

Yn ystod y chwe mis diwethaf bu dros 24 y cant o'n galwadau yn ymwneud â ‘Materion Personol' gan gynnwys perthnasau a theulu. Dilynwyd hyn yn agos gan alwadau ynglŷn ag ‘Amodau Gwaith' ar 23 y cant, sydd yn cynnwys perfformiad a thâl, materion cyfreithiol a phwysau gwaith. Roedd ‘Galwadau ynglŷn â gyrfa' yn gyfrifol am 15.5 y cant, wedi'i ddilyn gan ‘Medrau Pobl' ar 13.8 y cant, gan gynnwys perthynas ag oedolion yn y gwaith, bwlio ac aflonyddu.

Mae ein cynghorwyr wrth law i gynnig cymorth emosiynol ynghyd â chyngor ymarferol gan gynnwys ein cynghorwyr arian arbenigol.

Yn ychwanegol i hyn mae gyda ni wefan sydd wedi ymrwymo at athrawon yng Nghymru lle gallwch ddod o hyd i ystod eang o wybodaeth gan gynnwys y newyddion diweddaraf a diweddariadau sydd yn effeithio ar y proffesiwn dysgu.

Mae gyda ni dros 1,300 o ffeithlenni ar gael, ynghyd â 400 arall yn y Gymraeg, sydd yn cynnig gwybodaeth ar ystod o bynciau. Teipiwch y geiriau allweddol mewn i flwch chwilio er mwyn dod o hyd i unrhyw ffeithlenni sy'n cyfateb. Gallwch roi tro arno drwy glicio yma neu yma am y Gymraeg.

Cynigir ein holl wasanaethau ffôn yn ddwyieithog ac mae pob un o'n gwasanaethau ar gael am ddim. Rydym ni yma i gefnogi pob athro, o bobl dan hyfforddiant, wrth i chi wneud cynnydd yn eich gyrfa, yr holl ffordd hyd at y rhai hynny sydd wedi ymddeol. Rhowch alwad i ni unrhyw bryd yn gyfrinachol ar 0800 085 5088.

Helpwch ni i ledu'r gair

Mae cannoedd o athrawon wedi cael cefnogaeth gennym yn ystod y profiadau gawson nhw yn eu gyrfaoedd dysgu ac fe hoffem gyrraedd llawer mwy. Rydym yn ddibynnol ar ein cefnogwyr i ledu'r gair a sôn wrth bobl eraill am y gwasanaethau rydym yn eu cynnig am ddim.

Os ydych chi'n athro yng Nghymru, pam na soniwch amdanom ni wrth eich cydweithwyr a lawr lwytho un o'n posteri ar gyfer eich ‘stafell athrawon neu ofyn am ddeunyddiau am ddim ar gyfer eich ysgol:

- Cliciwch yma i archebu deunyddiau hyrwyddo (rholiwch lawr i waelod y dudalen ar gyfer yr adnoddau sydd ar gael gan Teacher Support Cymru yn Saesneg a Chymraeg)

- Cliciwch yma i lawr lwytho poster yn y Gymraeg

Gallwch ledu'r gair hefyd flaenyrru'r e-newyddlythyr yma i unrhyw un o'ch cydweithwyr all fod â diddordeb neu ei annog ef neu hi i danysgrifio i'n cylchlythyr sydd am ddim ar ein gwefan, yma.